Израел призна дека оштетиле црква во бомбардирањето во Газа

АЛ-КУДС/ИСТАНБУЛ (АА) - Израелската Армија денес призна дека црквата во Газа претрпела штета кога нејзините сили ја гаѓале локацијата за која се рекло дека е седиште на командантот на Хамас во Газа, јавува Анадолу.

„Авионите го гаѓаа седиштето на воениот член на организацијата Хамас, кој учествуваше во истрелувањето на ракетите и минофрлачките гранати кон територијата на Израел“, соопштено е за Анадолу од службата за медиуми на израелската војска.

Во продолжение се додава:

„Авионот го изврши нападот врз целта, а 'експлозивниот бран' што произлезе од нападот го оштети ѕидот на црквата што се наоѓа во тоа подрачје.“

Исто така, беше констатирано дека се запознаени со тоа дека има повредени и дека се истражуваат околностите на несреќата.

Претходно, портпаролот на Министерството за здравство во Газа, Ашраф Кудра, рече дека меѓу убиените во директните израелски напади врз грчката православна црква во градот Газа, се 16 палестински христијани.

Кудра истакна дека бројот на загинати во Газа за време на израелските бомбардирања е зголемен на 4.137.

Тој додаде дека 13.300 луѓе се повредени, а повеќе од 1.000 се водат како исчезнати.