Израелската Влада одобри вонредна регулатива за затворање на „Ал Џезира“ во Израел

КУДС / ЕРУСАЛИМ (АА) - Израелската Влада денес одобри вонредна регулатива што дозволува затворање на Канцеларијата на новинскиот канал Ал Џезира во Израел, пренесува Анадолу.

Израелскиот државен медиум, КАН, објави дека според регулативите, Канцеларијата на Ал Џезира може да биде затворена и целата нејзина опрема да биде конфискувана.

КАН додава дека израелските власти сметаат дека известувањето на Ал Џезира ѝ штети на националната безбедност на Израел.

Израелската информативна веб-страница „i24“ пренесе официјално соопштение во кое се вели дека мрежата Ал Џезира „емитува пропаганда во служба на Хамас на арапски и англиски јазик за гледачите низ светот“.

Мрежата Ал Џезира ги отфрли сите овие наводи, но допрва се очекува коментар за последната одлука на Израел.

Телевизијата Ал Џезира, чие седиште е во Катар, се смета за една од главните медиумски мрежи која целосно ја покрива ситуацијата во Газа, Израел и јужен Либан.