Израел досега уби 51.495 Палестинец во бруталните напади врз Појасот Газа

ИСТАНБУЛ (АА) - Бројот на Палестинци убиени во бруталните напади на израелската армија врз Појасот Газа од 7 октомври 2023 година се зголеми за 56 во последните 24 часа, достигнувајќи 51.495, известува Анадолу.

Со писмено соопштение се огласи Министерството за здравство во Газа, споделувајќи ги најновите информации во врска со жртвите и повредените во тековните израелски напади врз Газа.

Во соопштението се наведува дека во последните 24 часа во болниците во Газа се донесени телата на 56 убиени Палестинци, а 108 се лекуваат.

Најмалку 2.025 Палестинци се убиени, а 5.483 лица се повредени во нападите на израелската армија од 18 март во Газа, со што беше прекршено примирјето договорено на 19 јануари.

Бројот на Палестинци кои се убиени во нападите на Израел врз Појасот Газа од 7 октомври 2023 година се зголеми на 51.495, а бројот на повредени изнесува 117.524.

Се додава дека под урнатините во Појасот Газа сè уште има илјадници мртви.