Украинскиот претседател Зеленски изјави дека со американскиот претседател Трамп разговарал за безусловно примирје

КИЕВ (АА) - Украинскиот претседател Владимир Зеленски информираше дека тој и американскиот претседател Доналд Трамп разговарале за целосно и безусловно примирје во војната меѓу Русија и Украина за време на нивната средба во Ватикан, известува Анадолу.

Во писменото соопштение што го објави на својот профил на платформата Телеграм, Зеленски наведе дека во Ватикан се сретнал со Трамп пред погребната церемонија на духовниот водач на католиците и претседател на Ватикан, папата Франциск.

Зеленски во објавата истакна дека имал „добар состанок“ со Трамп и дека разговарале за многу прашања за време на средбата.

Посочувајќи дека разговарале за целосен и безусловен прекин на огнот и сигурен и траен мир што ќе спречи повторување на војната, претседателот на Украина го рече следеното:

„Доколку постигнеме заеднички резултати, тоа би бил многу симболичен состанок со потенцијал да биде историски“.

„Се надеваме дека ќе има резултат од она што беше кажано“, рече украинскиот претседател Зеленски.