Захарова: „Ако САД ја снабдат Украина со проектили со поголем дострел, стануваат директна страна во конфликтот“

МОСКВА (АА) - Портпаролката на Министерството за надворешни работи на Русија, Марија Захарова, изјави дека доколку Соединетите Американски Држави (САД) ја снабдат Украина со проектили со поголем домет, тие ќе станат директна страна во конфликтот, јавува Агенција Анадолија (АА).

На неделната прес-конференција во Москва, Захарова истакна дека САД настојуваат што подолго да го продолжат конфликтот во Украина и да ја контролираат ситуацијата.

Нагласи дека американската војска во последните неколку месеци ја подготвувала украинската војска за контранапад.

„Тогаш имам прашање: Вооружените сили на Украина или Вооружените сили на Украина и на Западот? Даваа разузнавачки податоци и офанзивно оружје на киевскиот режим, вклучително и САД. Со сета почит, ова веќе не е советување, ова не е психолошка и морална поддршка, ова е директно учество“, изјави Захарова, и додаде:

„Доколку Вашингтон одлучи да го снабди Киев со проектили со поголем дострел, ќе ја премине црвената линија и ќе стане директна страна во конфликтот.“

Захарова порача дека во таква ситуација адекватно ќе се одговори.

„Го задржуваме правото да ја браниме својата земја со сите средства што ни се на располагање“, истакна Захарова.