За напаѓачот на џамијата во Норвешка подготвено обвинение за тероризам

СТОКХОЛМ (АА) - Подготвено е обвинение за убиство и терористички напад за 22-годишниот Филип Маншаус, кој беше приведен поради поврзаност со нападот врз џамијата во Исламскиот центар „Ал-Нур“, откако ја уби својата сестра во Барум, Норвешка, пренесува Агенција Анадолија (АА).

Во соопштението од Кабинетот на јавниот правобранител во Осло, наведено е дека осомничениот со пушка ја убил својата 17-годишна полусестра, Јохана Зангиа Ихле Хансен, а потоа извел напад на Исламскиот центар „Ал-Нур“, со намера да убие многу муслимани.

Обвинителството соопшти дека за осомничениот Норвежанин е подготвено обвинение за убиство и терористички напад и дека судењето во Окружниот воен суд во Барум ќе започне на 7 мај и ќе трае 14 дена.

На 10 август во Барум, екстремниот десничар Маншаус изврши напад врз Исламскиот центар „Ал-Нур“ и повреди едно лице. Мухамед Рафик, 65-годишниот Пакистанец кој го запре напаѓачот, беше прогласен за херој во земјата.