Египет: Демонстрации против претседателот Сиси

- Египќаните исполнија дел од плоштадите, меѓу кои е и плоштадот „Тахрир“, извикувајќи пароли против претседателот Сиси. На социјалните мрежи и на опозициските ТВ-канали кои емитуваат програма од странство, објавени се видеоснимки од протестите.

ИСТАНБУЛ

На некои плоштади во Каиро, главниот град на Египет, се организираат протести против претседателот Абдулфетах ес Сиси, јавува Anadolu Agency (AA).

Египќаните исполнија дел од плоштадите, меѓу кои е и плоштадот „Тахрир“, извикувајќи пароли против претседателот Сиси. На социјалните мрежи и на опозициските ТВ-канали кои емитуваат програма од странство, објавени се видеоснимки од протестите.

Споменатите извори наведуваат дека се приведени особено демонстрантите што учествувале на протестите на плоштадот „Тахрир“.

По протестите, хаштагот „Плоштад Тахрир“ на профилите на „Твитер“ е еден од најпопуларните на социјалната мрежа.

Преку споменатиот хаштаг, корисниците на „Твитер“ даваа изјави против египетскиот претседател Сиси.

Од друга страна, локалните медиуми истакнуваат дека за време на протестите е приведен Зија Саад ел Кетатини, синот на поранешниот претседател на египетскиот Народен совет.