Децата од Газа од меѓународните институции бараат да се заштитат нивните права од прекршувањата на Израел

ГАЗА

Палестинските деца во Газа ги повикаа меѓународните институции да ги заштитат нивните права од израелските прекршувања, пренесува Агенција Анадолија (АА).

Палестинскиот народен ослободителен фронт (FHKC) на урнатините на зградите уништени од израелските напади на улицата Ел-Вахде во Газа одржа демонстрација во знак на солидарност со палестинските семејства и децата кои беа погодени од нападите на Израел.

Хала ел-Гул, палестинско девојче кое присуствуваше на демонстрациите, во изјавата за Агенција Анадолија (АА) рече дека во демонстрациите учествувала во знак на солидарност со палестинските деца погодени и оштетени од нападите.

„Како деца од Газа кога го гледавме масакрот на Израел извршен со бомбардирање на куќи, бевме многу исплашени, вознемирени и загрижени“, рече Гул упатувајќи повик до меѓународните институции да ги заштитат правата на палестинските деца од израелските прекршувања.

Ијад Авдалах, член на Централниот комитет на Палестинскиот народен ослободителен фронт (FHKC), рече дека на митингот присуствува за да упати пораката до светот на децата од Газа која гласи: „И ние имаме право да живееме, имаме право да го живееме детството и бајрамските празници.“

„Еден дел од жртвите на масакрот на Израел се и палестински деца. Израел изврши големо злосторство. Ги искористи сите воени механизми против цивили, вклучувајќи жени, деца, стари лица“, нагласи Ијад Авдалах.

Повикувајќи ги меѓународните институции за човекови права да преземат итни мерки за палестинските деца, Авдала побара на криминалците да им се суди во Меѓународниот кривичен суд.