ДЕАШ ја презеде одговорноста за терористичкиот бомбашки напад во Дамаск

АНКАРА (АА) - Терористичката организација ДЕАШ ја презеде одговорноста за бомбашкиот напад, со бомба поставена во мотоцикл, во кој загинаа шест лица во Дамаск, главниот град на Сирија, известува Анадолу.

На социјалните мрежи ДЕАШ потврди дека ја презема одговорноста за експлозијата во Дамаск.

Најмалку шест лица загинаа, а 23 се ранети кога во четвртокот во Дамаск е детонирана експлозивна направа поставена во мотоцикл во близина на такси-возила.

Повикувајќи се на соопштението на Министерството за внатрешни работи на Сирија, сириската новинска агенција САНА објави дека бомбашкиот напад е извршен во местото Сејед Зејнаб.