Данска ќе издвои околу 12,8 милиони долари за првата мисија на Месечината

ИСТАНБУЛ (АА) - Данската Влада одлучи да издвои 125-130 милиони круни (12,3–12,8 милиони долари) за својата прва мисија на Месечината наречена „Мани“, објави радиодифузерот ДР вчера, јавува Анадолу.

Врз основа на мисијата што треба да се реализира уште во 2029 година, сателит предводен од Данска ќе биде пратен во орбитата околу Месечината за да мапира каде астронаутите може безбедно да слетаат во идните лунарни мисии.

Според извештаите, „Мани“ е заеднички потфат на дански и меѓународни истражувачки институции и компании, избрани од Европската вселенска агенција (ЕСА) оваа пролет да продолжат заедно со девет други европски апликанти.

Кон средината на декември се очекува ЕСА да објави кои мисии ќе бидат приоритетни во текот на следните три години.

Освен што ќе ги поддржува идните слетувања на астронаути, „Мани“ ќе помогне во неколку роботски мисии на ЕСА на Месечината планирани по 2030 година.