Amina Zorniç
23 Ноември 2016•Ажурирај: 23 Ноември 2016
УЛАНБАТОР (АА) - Тибетскиот духовен лидер Далај Лама во почетокот на следната година ќе го посети новоизбраниот претседател на Соединетите Американски Држави, Доналд Трамп, пренесува Anadolu Agency (AA).
Далај Лама за време на својата четиридневна посета на Монголија, изјави дека смета оти во САД има проблеми и поради тоа планира да го посети новиот американски претседател.
Тој истакна дека не го загрижува реториката на Трамп во текот на претседателската кампања и дека американската нација е водечка во слободниот свет, пишува Си-ен-ен.
Далај Лама најави дека ќе го посети Трамп откако во јануари 2017 година ќе биде инаугуриран за претседател на САД.
Барак Обама во текот на осум години четирипати се сретнал со тибетскиот духовен лидер и добитник на Нобелова награда, кого официјален Пекинг го смета за сепаратист, додека тој истакнува дека сака само автономија за својата татковина на Хималаите – Тибет.
