Грчкиот министер за надворешни работи, Дендиас: „Грција не е во противречност со Турција“

АТИНА (АА) - Грчкиот министер за надворешни работи, Никос Дендиас, истакна дека Грција не е во противречност со Турција, пренесува Агенција Анадолија (АА).

Во изјавата за „Стар ТВ“, осврнувајќи се на неговата и посетата на премиерот Кирјакос Мицотакис на Соединетите Американски Држави (САД) на почетокот на неделата, Дендиас одговори на прашањето за перспективата на Турција за купување на борбените авиони Ф-16 од САД.

„Грција не е во противречност со Турција. Но, кажува нешто што е едноставно. Ако Турција ги има овие вооружени системи, треба да има јасно уверување дека нема да ги користи против Грција. Грција вели, доколку овие системи ни претставуваат закана по одредено време, не можеме да ја одобриме испораката на вооружените системи во Турција или ажурирањето на постоечките системи“, рече Дендиас.

Дендиас, наведувајќи дека Грција не очекува САД да станат непријател на Турција или да ја исфрлат Турција од НАТО, рече: „Очекуваме јасен став од САД во однос на меѓународното право и поморското право.“

Меѓу другото, Дендиас рече дека Грција е за тоа „САД да спречат да не се случи некој настан, наместо да интервенираат во случај на „инцидент“, и дека САД ја разбираат Грција во однос на тоа прашање.