БЕРЛИН (АА) – Германија денес ги осуди заканите од Израел за анексија на јужен Либан, јавува Анадолу.

Берлин нагласи дека „анексијата на либанска територија од страна на Израел, секако, би била спротивна на меѓународното право и не би била прифатена од сојузната влада“, изјави портпаролот на Министерството за надворешни работи, Мартин Гизе, на брифинг со медиумите во Берлин.

„Она што можам да го кажам е дека со голема загриженост ги забележавме овие изјави од одредени израелски министри, меѓу кои и оној што го споменавте“, рече тој, алудирајќи на израелскиот министер за финансии Безалел Смотрич.

Во понеделникот, Смотрич изјави дека Израел треба да ја прошири својата граница со Либан до реката Литани, длабоко во јужниот дел на земјата, во време кога израелските сили бомбардираа мостови и уништуваа домови за време на воената офанзива.

Гизе ги повика сите инволвирани страни „да се вратат на прекинот на огнот и да ја спроведат резолуцијата 1701 на Советот за безбедност на Обединетите нации“.