Волкер Турк: „Резолуцијата на СБОН за хуманитарни паузи во Газа мора веднаш да се имплементира“

ЖЕНЕВА (АА) - Резолуцијата на Советот за безбедност на Обединетите нации (СБОН), со која се бараат итни хуманитарни паузи во Газа, „мора веднаш да се имплементира“, изјави денес високиот комесар на ОН за човекови права, Волкер Турк, јавува Анадолу.

„Таа треба веднаш да се имплементира“, порача тој како одговор на новинарското прашање на Анадолу за резолуцијата усвоена вчера.

Тој ја даде изјавата на прес-конференцијата во Женева по брифингот на земјите членки за неговата посета на Блискиот Исток.

„Тоа е почеток на она што е потребно за дејствување за да се олесни екстремно несигурната хуманитарна ситуација во Газа“, рече Турк, нагласувајќи:

„Значи, мора веднаш да се спроведе!“

Тој рече и дека резолуцијата вклучува и механизам за следење.