свет

Во израелските напади на Газа се убиени 33.843 Палестинци за 193 дена

- Во нападите на израелската војска на Појасот Газа во последните 24 часа се убиени 46 Палестинци, а повредени се 110

Hacer Çakır  | 16.04.2024 - Обновена : 17.04.2024
Во израелските напади на Газа се убиени 33.843 Палестинци за 193 дена Фото: АА

ГАЗА (АА) - Бројката на убиени Палестинци во нападите на израелската војска на Појасот Газа од 7 октомври 2023 година досега се зголеми на 33.843, известува Анадолу.

Во соопштението на Министерството за здравство на Газа објавени се најновите податоци за израелските напади на Појасот Газа што траат веќе 193 дена.

Во нападите на израелската војска на Појасот Газа во последните 24 часа се убиени 46 Палестинци, а повредени се 110.

Со последните убиства, вкупната бројка на убиени лица во израелските напади на Појасот Газа од 7 октомври се зголеми на 33.843, а 76.575 се повредени.

Во соопштението, исто така, се истакнува дека под урнатините и покрај патиштата има уште загинати Палестинци, но поради постојаните израелски напади и поставени бариери, медицинските тимови и припадниците на цивилната заштита не се во можност да дојдат до телата.


- Израелските напади на Појасот Газа

Израел започна смртоносна воена офанзива врз Појасот Газа со неселективно бомбардирање на цивилните населби, училишта, верски објекти и болници по нападот на палестинската група Хамас на 7 октомври.

Тел Авив вели дека во тој напад се убиени речиси 1.200 Израелци, но според зборовите на пилот на Израелските вооружени сили, можно е дел од загинатите Израелци да се жртва на примената на „Ханибаловиот протокол“ од страна на израелската војска.

„Ханибалов протокол“ е контроверзна процедура што ја користат Израелските одбранбени сили со цел да се спречи киднапирање на израелските војници од страна на непријателските сили. Според оваа директива, „киднапирањето мора да се запре со сите средства, дури и по цена на напад и елиминирање на киднапираните“.

Израел воведе целосна блокада на Појасот Газа, оставајќи го неговото население, особено жителите на северна Газа, на работ на гладување.

Според податоците на Обединетите нации, израелската војна принуди 85 отсто од населението на Појасот Газа внатрешно да се раселат, предизвика акутен недостиг на храна, чиста вода и лекови, а 60 отсто од инфраструктурата на енклавата се оштетени или уништени.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарна помош за цивилите во Газа.

И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.