Во израелските воздушни напади врз Газа во последните 24 часа се убиени 71 Палестинец

ГАЗА (АА) - Израел уби 71 Палестинец и повреди десетици во 34 воздушни напади врз Газа во последните 24 часа, известува Анадолу.

Владината канцеларија за медиуми во Газа објави писмено соопштение во кое наведе дека израелската армија продолжува со воздушни напади бомбардирајќи го беспомошното население во Појасот Газа.

Во соопштението се вели дека во 34 воздушни напади на Израел убиени се 71 Палестинец, а десетици се повредени во последните 24 часа.

Се истакнува дека воздушните напади насочени врз цивилите и инфраструктурата во Газа се меѓу ужасните злосторства што го надополнуваат мрачното досие на Израел.

По воздушните напади на Израел во последните 24 часа, болниците, кои веќе располагаа со многу ограничени ресурси, биле исполнети со ранети луѓе, а израелската армија спречија тимовите за цивилна одбрана да стигнат до безживотните тела на Палестинците.

Во соопштението се наведува дека телата на оние кои ги загубија животите во воздушните напади во многу региони, особено во северниот дел на градот Газа, сѐ уште се на улиците и под урнатините, а Израел продолжува со кршењето на меѓународното право со тоа што не дозволува да се соберат телата.

Владината канцеларија за медиуми во Газа се осврна и на фактот дека израелската армија веќе 454 дена врши геноцид врз палестинскиот народ во Појасот Газа и ја повика меѓународната заедница да ги исполни своите обврски и да ја прекине оваа војна против палестинскиот народ.