Во заседа во близина на иранско-ирачката граница убиени се десет ирански војници

ЕРБИЛ (АА) - Најмалку десет ирански војници се убиени а 20 се ранети во судирите помеѓу иранските сили и курдските милитанти во западниот дел на Иран во непоредна близина на иранско-ирачката граница, јавува Anadolu Agency (AA).

Мухамед Салих, претставник на Демократската партија на иранскиот курдистан, за АА рече дека до судирите помеѓу иранската војска и курдските милитанти дошло во вторникот.

„Десет ирански војници се убиени а 20 се ранети во заседа поставена од страна на курдските милитанти”, рече Салих и додаде дека меѓу убиените ирански војници имало и еден командант.

Претходно, иранските официјални лица соопштија дека во судирите во Сардашт убиени се двајца припадници на иранската револуционерна гарда, а неколкумина се ранети.