Во два бомбашки напада во Ирак загинаа 4, повредени се 12 лица

БАГДАД (АА) - Најмалку четири лица загинаа, а 12 се повредени во бомбашки напади извршени во ирачкиот главен град Багдад, јавува Anadolu Agency (AA).

Меѓу четирите лица што загинаа се наоѓа и бомбашот-самоубиец.

Командантот на ирачката армија, Џасим Мухамед за АА изјави дека безбедносните сили во подрачјето Ел-Беја забележале бомбаш-самоубиец како се движи кон место на коешто имало насобрани луѓе. На себе имал појас со бомби.

Безбедносните сили реагирале и отвориле оган, по што дошло до експлозија на бомбите што ги имал на себе.

Загинаа две лица и бомбашот-самоубиец, а повредени се осуммина. Уште едно лице загина во експлозија во минибус во подрачјето Ес-Садр. Повредени се четворица.

Сè уште никој не ја презеде одговорноста за овие напади. Багдад во последно време честопати е средиште на бомбашки напади. Се тврди дека зад нападот се крие терористичката организација ДАЕШ