Во Брисел ќе се одржи вонреден состанок на НАТО за Сирија

БРИСЕЛ (АА) - Во Брисел денес ќе биде одржан вонреден состанок на НАТО, а во врска со воената интервенција на САД, Велика Британија и Франција во Сирија, јавува Anadolu Agency (AA).

Оваа информација на новинарот на АА ја потврди неименуван официјален претставник на НАТО.

Планирано е за време на состанокот, претставниците на Велика Британија, Франција и САД да ги информираат останатите сојузници за воена интервенција во Сирија.

Како одговор на нападот со хемиско оружје врз Дума на 7 април, САД, Велика Британија и Франција рано утрово бомбардираа повеќе позиции на режимот на Асад во Дамаск и Хомс, а меѓу другото, се работи и за магацини со хемиско оружје.