Ikrame Imane Kouachi
12 Ноември 2023•Ажурирај: 13 Ноември 2023
ИСТАНБУЛ (АА) - Бројот на загинати во израелските напади врз Појасот Газа од 7 октомври ја надмина бројката од 11.100, од кои над 8.000 деца и жени, соопшти денес владината канцеларија за медиуми во Газа, јавува Анадолу.
Од канцеларијата се наведува дека: „Поради таргетирањето болници и спречувањето на влезот на ранетите и телата на загинатите, Министерството за здравство вчера (сабота) не беше во можност да ја даде точната статистика за бројот на загинати и повредени во текот на изминатите часови“.
„Окупаторите извршија повеќе од 1.130 масакри, а бројот на жртви достигна над 11.100, од кои повеќе од 8.000 се деца и жени, а бројот на ранети достигна над 28.000“, се наведува во соопштението.
Претходниот биланс, според Министерството за здравство во Газа од петокот, беше 11.078 загинати, од кои 4.506 деца, 3.027 жени и 678 постари лица, како и 27.490 повредени.
Ешраф Ал-Кудра, портпаролот на Министерството за здравство во Газа, вчера изјави дека сите болници во северниот дел на Газа се вон функција, со исклучок на Баптистичката болница, која нуди ограничена медицинска помош.
Според официјалните податоци, бројот на загинати во Израел е скоро 1.200.
