Билансот на убиени во Газа надмина 55.400, во израелските напади животот го загубија уште 68 Палестинци

ИСТАНБУЛ (АА) - Најмалку 55.432 Палестинци се убиени во геноцидната војна на Израел во Појасот Газа од октомври 2023 година, соопшти денес Министерството за здравство, јавува Анадолу.

Министерството истакна дека 68 тела се донесени во болниците во последните 24 часа, а 182 лица се повредени, со што вкупниот број на повредени во израелската офанзива се искачи на 128.923.

„Многу жртви сѐ уште се заробени под урнатините и на патиштата бидејќи спасувачите не можат да стигнат до нив“, додаде Министерството.

Израелската армија ги продолжи нападите врз Појасот Газа на 18 март и оттогаш уби 5.139 Палестинци, а повредени се речиси 16.882, кршејќи го договорот за прекин на огнот и размена на затвореници што стапи на сила во јануари.

Минатиот ноември Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата поради својата војна против енклавата.