Лансираните ракети од Иран кон Израел снимени од прозорец на патнички авион

СКОПЈЕ (АА) – На социјалните мрежи се појави видеоснимка за која се тврди дека е направена од патнички лет на националната авиокомпанија на Обединетите Арапски Емирати „Емирати“, на која се гледаат лансираните ракети од Иран кон територијата на Израел, снимен од прозорец на авион, јавува Анадолу.

Снимката е направена во екот на сериозната ескалација на регионалните тензии што започнаа во петокот, кога Израел изврши координирани воздушни напади врз повеќе цели низ Иран, вклучително и воени и нуклеарни објекти.

Иран одговори со одмазднички ракетни напади кон израелска територија.

Според израелските власти, од петокот досега во иранските напади загинале најмалку 24 лица, а стотици се повредени.

Иран, пак, информираше дека во израелските воздушни напади животот го загубиле најмалку 224 лица, а повеќе од 1.000 се ранети.