Билансот на загинати по пробивањето на браната „Каховка“ се искачи на 53

МОСКВА (АА) - Бројот на загинати во поплавите предизвикани од експлозијата на браната „Каховка“ во јужна Украина минатиот месец се искачи на 53, објавија денес руските државни медиуми, пренесува Анадолу.

„При расчистувањето на теренот од поплавите пронајдени се телата на уште три жртви, со што вкупниот број на загинати достигна 53. Хоспитализирани се вкупно 139 лица“, јави новинската агенција ТАСС, пренесувајќи информации од локалната служба за итни случаи.

Москва и Киев меѓусебно се обвинуваат за изведувањето напади врз браната „Каховка“ во украинската област Херсон на 6 јуни, што доведе до делумно уништување на браната, што резултираше со поплави во околните подрачја.