Багдад: Во низа бомбашки напади загинаа шест, ранети се 21 лице

БАГДГАД (АА) - Најмалку шест лица загинаа, а 21 е рането во неколку бомбашки напади во главниот град на Ирак, Багдад, јавува Anadolu Agency (AA).

Службеник на ирачката телевизија, Салим Ен-Нуман, за АА изјави дека во експлозија во квартот Ес-Сејидије, во Багдад, загинал вработен во една сунитска фондација, во моментот кога била активирана експлозивна направа во неговиот автомобил.

Останатите пет лица загинале во багдадските квартови Искан, Ес-Сулејх и Ед-Дура, а во тие напади се ранети 21 лице.

Сѐ уште никој не презеде одговорност за овие напади.