Акѓуч од Светската унија на Асирците: „Немам видено влада што ги решава проблемите на малцинствата како АК партијата“

СТОКХОЛМ (АА) - Потпретседателот на Светската унија на Асирците, Сулејман Акѓуч, изјави дека никогаш нема видено влада што ги решава проблемите на малцинствата толку многу како што тоа го прави Партијата за правда и развој (АК партија), известува Анадолу.

Заменик-претседателот на Партијата за правда и развој одговорен за надворешни односи, Зафер Сиракаја, турскиот амбасадор во Стокхолм, Јонет Џан Тезел, регионалниот претседател на Сојузот на меѓународните демократи (СМД) во Шведска, Озер Екен, Асирецот Јусуф Атач, заменик-митрополитот на шведската црква „Свети Ефрем“, и потпретседателот на Светската унија на Асирците Сулејман Акѓуч, се сретнаа во црквата „Св. Ефрем“ во Седертелје, Шведска.

Акѓуч во својот говор истакна дека Владата на Партијата за правда и развој (АК партија) значително се интересира за сите проблеми на Асирците во последниве 20 години.

Зборувајќи дека пораснал во Истанбул, Акѓуч рече:

„Сум видел многу влади, тоа го кажувам многу искрено, но никогаш досега немам видено влада што ги решава проблемите на малцинствата како што тоа го прави оваа Влада (АК партија). Пред речиси една година нашиот претседател (Реџеп Таип) Ердоган ја отвори 'Првата асирска црква во историјата на Републиката', што претставува голем настан за нас“, рече Акѓуч.

Јусуф Атач истакна дека последниве години турската Влада направила позитивни работи за Асирците и додаде:

„Ѝ се заблагодарувам на државата Република Туркије затоа што нашиот претседател Ердоган и сите државни институции ги поддржуваат Асирците. Тие ги заштитија црквите и фондациите во Туркије. Ви се заблагодаруваме на сите што нѐ поддржувате“, рече тој.

Зафер Сиракаја им ги пренесе поздравите од претседателот Ердоган.

Изјавувајќи дека делат исти чувства со Асирците, Сиракаја го истакна следново:

„Во Шведска се сретнавме со различни сегменти на турската заедница. Сега сме заедно со моите браќа Асирци. Се интересираме за сите проблеми со кои се соочуваат Асирците. Сакам наскоро да ви бидам домаќин во Големото турско национално собрание. Планирам да се сретнете со претседателот на турскиот Парламент. Кога ќе се вратам во Туркије, вашите желби и поздрави ќе му ги пренесам и на нашиот почитуван претседател Ердоган.“

Подоцна делегацијата на чело со Сиракаја ја посети асирската црква „Св. Јаков“ во Седертелје.

Таму зборуваше Јоханен Лахдо, митрополит на црквата „Св. Јаков“, кој му се заблагодари на претседателот Ердоган, истакнувајќи дека последниве години се решени проблемите на Асирците во Туркије.