Sayed Khodaiberdi Sadat
19 Јули 2021•Ажурирај: 22 Јули 2021
КАБУЛ (АА) - Две области во авганистанските покраини Каписа и Газне поминаа под контрола на талибанците, додека една област во покраината Саманган повторно е заземена од страна на безбедносните сили, пренесува Агенција Анадолија (АА).
Безбедносните сили соопштија дека милитантите извршиле вооружен напад врз областа Никраб во Каписа и во областа Малистан во Газне.
Наведено е дека како резултат на нападот, двете области биле под контрола на талибанците и дека безбедносните сили се повлекле од центрите на тие области.
Од друга страна, во соопштението на Министерството за одбрана на Авганистан се истакнува дека областа Дере-и-Суф Бала во покраината Саманган повторно е заземена од страна на безбедносните сили.
Покрај тоа, се посочува дека во последните 24 часа имало конфликти со талибанците во 10 покраини и дека во судирите и операциите убиени се 233 милитанти, а 88 милитанти се повредени.
- Насилствата во земјата продолжуваат -
Мировниот процес во Авганистан останува неизвесен. Од друга страна, насилните судири меѓу безбедносните сили и талибанците продолжуваат.
Талибанците ги освоија скоро сите области на границата со Узбекистан и Таџикистан во нападите што започнаа во последната недела од јуни.
Исто така, го опколија и граничниот премин „Хајратан“, најважната трговска рута до Узбекистан, од два правци, додека на југозапад се концентрираа на покраината Газни.
Талибанците продолжија да напредуваат во Авганистан, ја зазедоа Исламската тврдина на границата со Иран на 8 јули и граничниот премин „Спин Болдак“ на границата со Пакистан на 14 јули. Исто така, ги зголемија насилните напади во покраините Бадахшан, Тахар, Газни, Херат, Кандахар и Бадгис.
Според информациите што дописникот на Агенција Анадолија (АА) ги доби од локалните власти, талибанците контролираат повеќе од 155 од вкупно 407 области, вклучувајќи ги и нивните центри. Талибанците тврдат дека бројот на центри на областите што се под нивна контрола е 255.
Целосно под државна контрола се 34 центри на покраини.
