Авганистан: Во самоубиствен напад загина едно лице

КАБУЛ (АА) - Во самоубиствен напад во џамија во авганистанскиот град Херат загина едно лице, јавува Anadolu Agency (AA).

Портпаролот на полицијата во Херат, Абдул Ахад Велизадех, изјави дека еден од двајцата напаѓачи активирал екплозивна направа во џамијата Неби Екрем, во центарот на градот.

Другиот напаѓач по експлозијата се обидел да влезе на богослужбата, но полицијата го неутрализирала.

Велизадех изјави дека во нападот загинал цивил, а девет лица биле ранети. Меѓу нив е и лице кое се здобило со тешки повреди.

Одговорноста за нападот ја презеде терористичката организација ДЕАШ.