Авганистан: Во напади на талибанците последните две недели загинаа 98 цивили

КАБУЛ (AA) - Во нападите на талибанските милитанти последните две недели во Авганистан животот го загубија 98 цивили, јавува Агенција Анадолија (АА).

Тарик Арјен, портпаролот на Министерството за внатрешни работи на Авганистан, во изјавата што ја даде за медиумите информираше дека последните две недели, во 24 авганистански провинции, талибанските милитанти во различни напади убиле 98 цивили.

Арјен наведе дека во нападите се повредени 230 цивили и додаде дека најголем број убиени има во провинциите Тахар и Нангархар.

Талибанската страна засега не излезе со каква било изјава по ова прашање.