Авганистан: Во бомбашки напад во Кабул загина едно лице, 6-мина ранети

КАБУЛ (АА) - Во Кабул, главниот град на Авганистан, извршен е бомбашки напад во кој животот го загуби еден полицаец, јавува Агенција Анадолија (АА).

Портпаролот на полицијата на Кабул, Фердевс Фарамарз, за медиумите изјави дека во подрачјата Хајирхане и Баг Кази во Кабул извршени се последователни бомбашки напади.

Фарамарз информираше дека во нападот загинал еден полицаец, а 6 лица се ранети.

Засега никој не ја презеде одговорноста за нападот.