„Турција никогаш не користела забрането оружје во операцијата во северна Сирија“

АНКАРА (АА) - Турскиот министер за одбрана, Хулуси Акар, денеска изјави дека Турција никогаш не користела забрането оружје во нејзината антитерористичка операција во северна Сирија, јавува Агенција Анадолија (АА).

„Турција не користеше и нема да користи никаква муниција или хемиско оружје забрането со меѓународното право или договори“, изјави Акар, осврнувајќи се на операцијата „Извор на мирот“, која што е покрената да ги елиминира терористите од северна Сирија, источно од реката Еуфрат.

Акар, кој се обрати на Парламентот, изјави дека околу 1.200 терористи биле неутрализирани од почетокот на операцијата.

Тој изјави дека како дел од операцијата „Извор на мирот“, област од 4.300 километри квадратни и 600 населби биле преземени под контрола, додека на стратегискиот Автопат „М-4“ биле поставени контролни пунктови.

Министерот истакна дека околу 158 членови на терористичката организација биле исто така неутрализирани од почетокот на турската операција „Канџа“ во северен Ирак.

Турските сили на 9 октомври ја започнаа операцијата „Извор на мирот“ за елиминирање на терористите на ЈПГ/ПКК во северна Сирија, источно од реката Еуфрат, со цел обезбедување на турската граница и формирање безбедносна зона за доброволно враќање на сириските бегалци во тоа подрачје.

Анкара минатиот месец постигна два договора со Вашингтон и Москва, во чии рамки е договорено Турција да ја запре својата операција за да им дозволи на терористите на ЈПГ/ПКК да се повлечат од планираната безбедносна зона, каде што Турција сака да врати милиони сириски бегалци коишто престојуваат во неа.

На 27 мај Турција ја започна операцијата „Канџа“ против терористите на ПКК во северен Ирак. Според Министерството, оттогаш се неутрализирани над 400 терористи во северен Ирак.

Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои и деца и жени.

- Источен Медитеран -

Акар нагласи дека Турција никогаш нема да го толерира прекршувањето на нејзините права или да дозволи напори насочени кон изолирање на Турција од Источниот Медитеран и Егејското Море.

Министерот, исто така остро го осуди палењето на знамето на Турската Република Северен Кипар (TRNC) за време на протестите на грчко-кипарската страна.

„Овие расистички напади никогаш нема да го спречат знамето на ТРСК да лета на островот“, рече тој.

Турската Република Северен Кипар е основана на 15 ноември 1983 година, речиси една деценија по кипарската мировна операција во Турција во 1974 година на островот, која стави крај на прогонството и насилството врз кипарските Турци од страна на ултранационалистичките грчки Кипарци. Турција останува како гарант за Турската Република Северен Кипар.

- Разрешување на воениот персонал -

„Повеќе од 17.000 воени лица, вклучително и 150 лица од висок ранг, се отпуштени по поразениот пуч на 15 јули во 2016 година“, рече Акар, осврнувајќи се на нивната поврзаност со терористичката организација ФЕТО.

Акар исто така изјави дека 2.709 лица воен персонал се суспендирани и 909 лица од редовите на пензионираниот персонал биле разрешени поради нивна поврзаност со терористичката организација ФЕТО.

ФЕТО и нејзиниот водач Фетула Ѓулен, кој живее во Соединетите Американски Држави (САД), стојат зад неуспешниот обид за пуч на 15 јули, 2016 година, во кој загинаа 251 лице, а речиси 2.200 беа повредени.

Терористичката организација ФЕТО стои и зад долготрајната кампања за соборување на државниот поредок преку инфилтрирање во турските институции, особено во војската, полицијата и во судството.