ВАШИНГТОН (АА) - Американскиот претседател Доналд Трамп денес ги повика иранските антивладини демонстранти да продолжат со протестите низ целата земја, велејќи им дека „помошта е на пат“, пренесува Анадолу.

„Ирански патриоти, продолжете да протестирате - преземете ги вашите институции!!! Зачувајте ги имињата на убијците и насилниците. Тие ќе платат голема цена“, напиша Трамп на Truth Social. „Ги откажав сите состаноци со иранските претставници сè додека не престане бесмисленото убивање на демонстрантите. Помошта е на пат. МИГА!!!“

Трамп користеше акроним, замена на неговиот слоган „Направете ја Америка повторно голема“ (МАГА), мислејќи на Иран наместо Америка.

Не е јасно што точно мисли Трамп со тврдењето дека иранските претставници ќе „платат голема цена“, но вчера тој изјави дека САД ќе воведат царини од 25% за „сите“ земји што соработуваат со Иран.

Исто така, вчера Белата куќа соопшти дека Трамп „има интерес“ да ги истражи дипломатските патишта со Техеран, но неговата објава еден ден подоцна се чини дека потврдува дека таквата комуникација е запрена.

Иранските владини претставници ги обвинија САД и Израел дека го поддржуваат она што го опишаа како „немири“ и „тероризам“.

Нема официјални податоци за жртвите, но Новинската агенција на активисти за човекови права (ХРАНА) група за човекови права со седиште во САД, проценува дека бројот на жртви достигнал најмалку 646, вклучително и безбедносните сили и демонстрантите, а над 1.000 се повредени.

ХРАНА, исто така, објави дека најмалку 10.721 лице се приведени на протестите на 585 локации низ целата земја, меѓу кои и 186 града во сите 31 провинција.