Feyzullah Yarımbaş
25 Декември 2023•Ажурирај: 27 Декември 2023
АНКАРА (АА) - Специјалната известувачка на Обединетите нации за Палестина, Франческа Албанезе, рече дека тоа што Израел го направил во Газа не се разликува многу од масакрот на цивилите во другите делови на светот и изјави дека геноцидот во Газа, како Сребреница и Руанда, е извршен со одобрение на светот, јавува Анадолу.
Албанезе на социјалната мрежа Х цитираше објава на Високиот комесаријат за човекови права на ОН во кој се обвинува Израел за егзекуција на 11 невооружени Палестинци пред нивните семејства во областа Ал-Римал во Газа.
„Ако погледнете внимателно, ќе видите дека тоа што се случи во Газа не се разликува многу од другите масакри на цивилите. Геноцидот не е единствен чин, тоа е процес и мора да се спречи, но како и досега, како во Сребреница и Руанда, тој се случува во Газа со одобрение на светот“, истакна Албанезе.
Таа, исто така, цитираше порака во која се наведува дека геноцидот и масакрите на децата во Газа биле извршени од платеници од Франција, САД, Англија, Украина, Италија, Германија, Јужна Африка и Индија, но никој не ги нарекол странски терористички борци.
Таа повика да се изврши притисок врз националните правосудни системи во земјите во кои овие лица имаат државјанство, да ги истражат и гонат оние што вршат воени злосторства во странство, вклучително и на окупираните палестински територии.
