Олдрич Ејмс, агент на ЦИА кој шпионирал за Советскиот Сојуз и Русија почина во затвор на 84 години

ИСТАНБУЛ (АА) - Олдрич Ејмс, поранешен офицер на ЦИА чие шпионирање за Советскиот Сојуз и Русија доведе до едно од најштетните разузнавачки неуспеси во историјата на САД, почина во федерален затвор во Мериленд на 84 години, според „Гардијан“, пренесува Анадолу.

Бирото за затвори потврди дека Ејмс починал во понеделник.

Ејмс и неговата сопруга, Росарио, беа уапсени во 1994 година. Тој се изјасни за виновен за шпионажа и даночно затајување и беше осуден на доживотен затвор без право на условна слобода. Неговата сопруга се изјасни за виновна за помагање и поттикнување на неговите активности и беше осудена на нешто повеќе од пет години.

Ејмс ѝ обезбедувал на Москва класифицирани информации речиси една деценија, признавајќи дека примил 2,5 милиони долари од Русија.

Во интервју од затвор за „Вашингтон пост“ еден ден пред изрекувањето на пресудата, Ејмс рече дека се свртел кон шпионажа поради непосредни и континуирани финансиски проблеми.

Случајот на Ејмс повторно се појави во јавноста во 2018 година со објавувањето на книгата на Бен Макинтајр „Шпионот и предавникот“.