ЊУ ДЕЛХИ/ТЕЛ АВИВ (АА) - Индија и Израел денес ја зајакнаа билатералната соработка и одлучија да воспостават партнерство во критични и нови технологии, јавува Анадолу.

Ова беше објавено за време на дводневната посета на индискиот премиер Нарендра Моди на Израел, каде што имаше разговори со израелскиот колега Бенјамин Нетанјаху.

Во изјавите за медиумите Моди рече дека двете земји донеле „историска“ одлука за подигнување на односите на ниво на „специјално стратегиско партнерство“.

Тој истакна дека Индија и Израел одлучиле да соработуваат во критични и нови технологии.

„Ова ќе ѝ даде нов замав на соработката во области како вештачка интелигенција, квантна технологија и критични минерали“, рече Моди, додавајќи дека Њу Делхи и Тел Авив наскоро ќе склучат „заемно корисен“ договор за слободна трговија.

За време на разговорите на високо ниво меѓу двете страни беа потпишани најмалку 16 договори во различни сектори.

„Ќе ја продолжиме соработката во областите на цивилната нуклеарна енергија и вселенските технологии. Заедно ќе развиваме решенија за земјоделството подготвени за иднината и ќе работиме на создавање врвни села“, рече индискиот премиер.

Моди додаде дека Њу Делхи и Тел Авив ќе ја следат и заедничката соработката во развојот, производството и трансферот во одбранбениот сектор.

За Газа тој нагласи: „Човештвото никогаш не смее да стане жртва на конфликтот.“

„Создаден е пат кон мир преку планот за мир во Газа“, рече Моди, додавајќи дека Индија целосно ја поддржува оваа иницијатива и дека во иднина ќе продолжи со дијалогот и соработката со сите земји.