Десетици патници повредени во судир на два воза во Словачка

ИСТАНБУЛ (АА) - Два воза се судрија во Западна Словачка вчера, при што се повредени десетици патници, соопшти полицијата, јавува Анадолу.

Несреќата се случила на железничката пруга помеѓу главниот град Братислава и градот Пезинок.

Во соопштението објавено на американската платформа за социјални медиуми Фејсбук, словачката полиција соопшти дека екипи за итни случаи и полицајци брзо се упатиле кон местото на несреќата.

Прелиминарните извештаи покажаа дека ниеден од возовите не излетал од шините по судирот, се додава во соопштението.

Железничкиот сообраќај во двата правца беше прекинат, а на местото на настанот беа пратени автобуси за евакуација на патниците.

Според вестите објавени во локалните медиуми, кои се повикуваат на Министерството за внатрешни работи, 11 лица повредени во несреќата се однесени во болница на лекување.