„Вол стрит џурнал“: Трамп сака да го купи Гренланд

АНКАРА (АА) – Весникот „Вол стрит џурнал“ (Wall Street Journal) напиша дека на состаноците, вечерите и разговорите Трамп ги прашувал своите советници дали Соединетите Американски Држави (САД) би можеле да го купат Гренланд, и дека Трамп со интерес слушал кога се разговарало за изобилството на ресурси на Гренланд и неговото геополитичко значење, пренесува Anadolu Agency (AA).

Два извора, кои не сакаа да бидат именувани, истакнаа дека Трамп од советникот во Белата куќа побарал да се испита ова прашање.

И новинската агенција „Асошиејтед прес“ (Associated Press) во својата вест базирана на извор близок до Трамп истакна дека Трамп разговарал за купување на Гренланд, но во однос на тоа прашање не бил сериозен.

Републиканскиот член на американскиот Конгрес и заменик на Трамп, чие име не се открива, посочил дека Трамп во разговорите со пратениците разговарал многу за купување на Гренланд, но неговите коментари не биле сфатени сериозно.

Белата куќа и Владата на Данска не го коментираа ова прашање.

Планирано е Доналд Трамп следниот месец да ја посети Данска.

Поранешниот американски претседател, Хари Труман, во 1946 година на Данска ѝ понуди 100 милиони долари во злато за да го купи Гренланд, автономна данска територија на Арктикот.