ТРИПОЛИ (АА) - Бројот на жртви во уривањето на стара станбена зграда во северниот либански град Триполи се искачи на девет, соопштија надлежните, јавува Анадолу.

Петкатна зграда се урна вчера (недела) во населбата Баб ал-Табане во Триполи. Продолжуваат операциите за пребарување и спасување.

Имад Креих, генерален директор на Либанската цивилна одбрана, за новинарите изјави дека од урнатините се извлечени 15 лица, вклучително и шест што се спасени живи.

Спасувачките екипи сè уште се обидуваат да стигнат до околу осум лица за кои се верува дека се заробени под урнатините, според информациите што ги доби Анадолу.

Градоначалникот на Триполи, Абдел Хамид Кариме, претходно изјави дека шест лица загинале, а седум се повредени во уривањето.