„716 Палестинци се убиени од израелските сили и илегалните доселеници на Западниот Брег од 7 октомври“

РАМАЛА (АА) - Најмалку 716 Палестинци, од кои 160 деца, се убиени од израелската Армија и нападите на илегалните доселеници на окупираниот Западен Брег од 7 октомври 2023 година, соопшти денес палестинското Министерство за здравство, пренесува Анадолу.

Во соопштението на Министерството се наведува дека бројот на загинати од израелската агресија на Западниот Брег од октомври минатата година досега достигнал 716, додека 5.750 се повредени.

Меѓу загинатите има 10 жени, девет постари лица и 160 деца, се додава во соопштението.

Покрај жртвите, државните палестински организации известија дека израелската војска ги зголемила своите операции и дека илегалните доселеници ги зголемиле нападите на Западниот Брег паралелно со израелската војна во Газа, што доведе до апсење на над 10.800 луѓе.

Ескалацијата дојде по мнението на Меѓународниот суд на правдата во јули, кое ја прогласи повеќедецениската окупација на палестинската земја од страна на Израел за нелегална и побара евакуација на сите постоечки населби на окупираниот Западен Брег и во Источен Ерусалим (Источен Кудс).