Операција Извор на мирот

Операција „Извор на мирот“: Протераните цивили се враќаат во ослободениот Тел Абјад

Репортерите на Andolu Agency (AA) пред три дена во живо се јавија од Тел Абјад, а на снимките се гледа дека во градот владее мир

Ömer Koparan, Mohamad Misto, Adham Kako  | 17.10.2019 - Обновена : 18.10.2019
Операција „Извор на мирот“: Протераните цивили се враќаат во ослободениот Тел Абјад

ТЕЛ АБЈАД (АА) - Цивилите се враќаат во сирискиот град Тел Абјад, кој пред четири дена беше ослободен во рамките на операцијата „Извор на мирот“, која Турските вооружени сили и Сириската национална војска ја спроведуваат во североисточниот дел на Сирија, јавува Anadolu Agency (AA).

Турција на 9 октомври ја започна операцијата „Извор на мирот“ за елиминирање на терористите од северна Сирија, со цел обезбедување на турската граница и безбедно враќање на сириските бегалци, како и осигурување на сирискиот територијален интегритет.

Во рамките на операцијата во неделата од терористите е ослободен пограничниот сириски град Тел Абјад, а турските и сириските опозициски сили и понатаму го пребаруваат градот и работат на воспоставување ред и безбедност.

Репортерите на Andolu Agency (AA) пред три дена во живо се јавија од Тел Абјад, а на снимките се гледа дека во градот владее мир.

Граѓаните започнаа да се враќаат во Тел Абјад, а им помагаат борците на Сириската национална војска (СНВ).

Тел Абјад е подрачје во состав на сириската област Рака, а се наоѓа во непосредна близина на границата и турскиот град Акчакале.

Терористите на ДЕАШ го окупираа Тел Абјад во 2014 година, а една година подоцна, со поддршка на американските сили, го окупираа терористите на ЈПГ/ПКК.

Терористите на ЈПГ/ПКК под закана од Тел Абјад ги избркаа арапските и туркменските заедници кои побегнаа во шаторите во побезбедните региони.

ПЈД/ЈПГ е сириски огранок на терористичката организација ПКК, која се наоѓа на листата на терористички групи во Турција, САД и ЕУ. ПКК уште од средината на 80-тите води вооружена борба против Турција.

Турските безбедносни сили одлучно се борат против терористичката организација ПКК во таа земја, но и против нејзините ограноци во Сирија и Ирак. Турција се повикува и на член 51 од договорот на ОН, односно правото на самоодбрана.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
Поврзани теми
Bu haberi paylaşın