Емисионите гасови до крајот на векот би можеле да предизвикаат раст на нивото на морето и до 39,3 сантиметри

АНКАРА (АА) - Научниците предупредуваат дека растот на емисијата на штетни гасови би можел да предизвика продолжување на топењето на ледените глечери, и до крајот на векот да го зголемат нивото на морето за 39,3 сантиметри, пренесува Агенција Анадолија (АА).

Весникот „Криосфера“ („The Cryosphere“) објави резултати од истражувањата за ледените плочи, што се спроведени под покровителство на американската вселенска агенција НАСА.

На проектот работеа повеќе од 60 научници што го истражуваа топењето на мразот на Антарктикот и Гренланд, а нивниот заклучок е дека ефектот од стакленичките гасови до 2100 година би можел да предизвика пораст на нивото на морето меѓу 11,1 и 39,3 сантиметри.

Меѓувладиниот панел за климатски промени (IPCC) предвидува дека топењето на мразот на Гренланд би можело да предизвика раст на нивото на морето помеѓу 3,3 и 8,9 сантиметри, а топењето на мразот на Антарктикот меѓу 7,8 и 30,4 сантиметри.