Sena Güler
21 Декември 2019•Ажурирај: 23 Декември 2019
АНКАРА (АА) - Вештачката интелигенција (AI) и стенографијата, пишувањето во скратена форма, го искачија на повисоко ниво прашањето за безбедноста и приватноста, вели турски експерт.
„Преводот на буквите и зборовите на стенографски јазик со производство на нови резултати со податоци за анализа, сигурно ќе му служи на човештвото на секое поле во кое животот се интегрира со технологијата“, изјави за Агенција Анадолија (АА) Дениз Унај, експерт за социјални медиуми.
Стенографијата е систем на брзо пишување со користење на симболи или скратеници наместо зборови или фрази, и го зголемува скратувањето на пишувањето споредбено со долгото пишување, што денес нашироко се користи.
Зборот стенографија потекнува од зборовите од грчкиот јазик „стенос“ (тесен) и „графиен“ (пишување).
„Многу неодамнешни студии покажаа дека вештачката интелигенција и стенографските системи се користат заедно за создавање специјални азбуки во процесот на шифрирање“, рече Унај.
Нагласувајќи ја важноста на стенографскиот јазик создаден од вештачката интелигенција во планирањето на воената стратегија, тој рече дека нивното здружување ги носи прашањата за безбедноста и приватноста еден чекор подалеку.
Унај вели дека методот е најмногу употребуван во литературата како запис на симболи кои не се разбирливи на прв поглед.
„Всушност, методот служи како важен историски документ“, рече Унај, додавајќи дека може да се толкува и како културна алатка што се користела со векови.
„Од драмите на [Џорџ] Бернард Шо до „Дневникот на [Семјуел] Пепис“, од говорите на Цицерон до зачувувањето на делата на Шекспир, можеме да ја следиме стенографијата во многу историски културни вредности“, истакнува Унај.
Тој, исто така, истакна дека покрај својата долга историја, „се чини дека ќе бидеме сведоци на уште поголема употреба на стенографски азбуки во денешниот дигитален и индустриски свет“.
- Чување записи преку стенографијата -
Унај нагласи дека системот исто така се користи и во советите и судовите, каде што се говори многу брзо.
„Поради оваа предност, [брзото пишување] може да се користи и за полесен запис на разговори на седници, како што се парламентарните или судските, како и за деловна кореспонденција каде што говорот е со брз тек“, рече тој.
Унај вели дека стенографијата е позната и како првиот систем на пишување што се користел континуирано во историјата.
„Тоа започнало со откривањето на тиронскиот знак од страна на Тиро, роб кој Цицерон го ослободил, и траеше илјада години“, раскажа Унај.
Тој истакна дека системот за пишување во перидот на средновековна Европа исчезнал бидејќи се поврзувал со вештерство и волшебништво.
Унај рече дека стенографските машини денес се користат во судовите и на конференциите. „Со 22 клуча, овие тастатури му овозможуваат на стенографот да ги користи сите прсти, со што сите клучеви може да се притискаат истовремено.“
