Sarp Özer
19 Јули 2017•Ажурирај: 20 Јули 2017
АНКАРА (AA) - Претседателот на Република Турција Реџеп Таип Ердоган се состана со премиерот на таа земја Бинали Јилдирим, а на состанокот е одобрена реконструкцијата на турската влада, јавува Anadolu Agency (AA).
Ердоган и премиерот Јилдирим синоќа одржаа повеќечасовен состанок зад затворени врати, а Ердоган во Претседателската палата и денеска го прими Јилдирим кој им се обрати на новинарите и ја соопшти одкуката за реконструкциите во владата.
Во новиот состав на турската влада, на чие чело е премиерот Јилдирим, функциите на заменик ќе ги извршуваат Мехмет Шимшек, кој и досега беше на таа позиција, Бекир Боздаг, Фикри Ишик, Реџеп Акдаг и Хакан Чавушоглу. На местото на Боздаг, за министер на правдата е именуван Абдулхамит Ѓул, а на местото на министер за одбрана, наместо Ишик, именуван е Нуретин Чаникли.
Останатите членови на кабинетот се: министерката за семејство и социјална политика Фатма Бетул Сајан Каја, министер за ЕУ Омер Челик, министер за наука, индустрија и технологија Фарук Озлу, министерка за работа и социјална безбедност Џулиде Сариероглу, министер за животна средина и урбанизам Мехмет Озхасеки, министерот за надворешни работи Мевлут Чавушоглу, министер за економија Нихат Зејбекчи, министер за енергетика и природни ресурси Берат Албајрак, министер за млади и спорт Осман Аскин Бак, министерот за храна, земјоделство и сточарство Ахмет Ешреф Факибаба, министерот за царини и трговија Булент Туфенкчи, министер за внатрешни работи Сулејман Сојлу, министерот за развој Лутфи Елван, министер за култура и туризам Нуман Куртулмуш, министер за финансии Наџи Агбал, министер за образование Исмет Јилмаз, министер за шумарство и водостопанство Вејсел Ероглу, министер за здравство Ахмет Демирџан, а министер за транспорт, поморство и информирање Ахмет Арслан.
Кабинетот на турската влада и понатаму го сочинува премиерот, 5 заменици и 21 министер. Според реконструкциите во кабинетот 15 министри и заменици премиери ги задржаа своите позиции, шест членови се преместени на нови функции, а во составот на кабинетот влегоа и пет нови членови.
