Трамп во Белата куќа го прими турскиот претседател Ердоган

ВАШИНГТОН (АА) - Американскиот претседател, Доналд Трамп, денес во Белата куќа со највисоки државни почести го прими претседателот на Република Турција Реџеп Таип Ердоган, јавува Anadolu Agency (AA).

Трамп го пречека Ердоган на влезот во Белата куќа, каде што се поздравија и се фотографираа за медиумите, а потоа го продолжија состанокот во Овалната соба.

Американскиот претседател пред состанокот истакна дека САД има многу добри односи со Турција.

„Ние имаме многу добри односи со Турција и сакаме дополнително да ги продлабочиме“, изјави Трамп.

Тој додаде дека ќе имаат, како што рече, долги и тешки преговори во врска со прашањата кои се однесуваат на двете земји.

Турскиот претседател по средбата со Трамп ќе присуствува на состанокот на проширените делегации од двете земји.