Средба на началникот на Генералштабот на турската Војска со својот американски колега

БРИСЕЛ (АА) - Началникот на Генералштабот на турската Војска, генерал Јашар Ѓулер, оствари средба со началникот на Генералштабот на американската Војска, генерал Џозеф Данфорд, јавува Anadolu Agency (AA).

Ѓулер и Данфорд се сретнаа во седиштето на НАТО во Брисел, а нивната средба траеше околу еден час.

Средбата беше затворена за медиумите.

Портпаролката на Белата куќа, Сара Сандерс, во понеделникот изјави дека Ѓулер и Данфорд ќе остварат средба на која ќе разговараат за нивната соработка во Сирија.

Двајцата началници последен пат се сретнаа на 8 јануари во Анкара, во рамки на посетата на Данфорд на Турција.