Сирија: Во воздушен напад на пазар загинаа десет а повредени се 30 лица

АЛЕПО (АА) - Во воздушен напад на сириската армија врз пазар во селото Сахур во Алепо загинаа десет, а беа повредени 30 лица, јавува Anadolu Agency (AA).

Новинарот на АА од претставникот на цивилната заштита во Алепо дознава дека нападот врз селото кое е под контрола на опозицијата е изведен од авион на сириската војска.

Во нападот загинаа цивили, меѓу кои најмногу има жени и деца. Повредените лица се хоспитализирани во болница во периферијата.

Во вчерашниот воздушен напад на руските авиони во селото Тарик ал Баб во Алепо загинаа 12, а беа повредени 22 лица.