По падот на ракета во Килис, турските сили ги гранатираа позициите на ДАЕШ во Сирија

АНКАРА (АА) – Турските вооружени сили започнаа артилериски напади од хаубици врз позициите на ДАЕШ во Сирија, поради ракетниот напад врз Килис, јавува Anadolu Agency (AA).

Според воени извори извршен е ракетен напад врз градот Килис, од страна на подрачјето кое е под контрола на терористичката организација ДАЕШ.

По лоцирањето на местото од каде што е фрлена ракетата и идентификувањето на позициите на ДАЕШ, турските вооружени сили отворија оган кон утврдените позиции со хаубици од типот фиртина како и со ракетни бомби.