Криза за медицински материјал и лекови во Газа

ГАЗА (АА) - Поради зголемениот број на повредени Палестинци, во Газа има недостаток на медицински материјал и лекови, јавува Anadolu Agency (AA).

Директорот на Одделот за аптеки при Министерството за здравство, Мунир ел-Берш, изјави дека со зголемувањето на бројот на повредени Палестинци, во Газа се појавил недостаток на лекови и на друг медицински материјал.

„Во моментов сме во опасност да останеме без основните лекови“, рече Берш.

Тој укажа на потребата да се спаси здравствениот систем во Газа и ги повика сите меѓународни здравствени организации и асоцијации итно да им помогнат.