РИБНОВО (АА) - Во оддалеченото село Рибново, кое се наоѓа во југозападниот дел на Бугарија, со векови се негува единствената свадбена традиција позната како „Гелина“, која и денес претставува жив симбол на локалната култура, пишува Анадолу.

За време на зимската свадбена сезона селото се претвора во музеј на отворено, каде што на невестите со часови им се бојосуваат лицата во бело и се украсуваат со сложени орнаменти, светки и шарени мотиви. Овој впечатлив ритуал привлекува туристи, истражувачи и фотографи од целиот свет.

Рибново, со околу 3.500 жители, е целосно муслиманско село и се смета за последно поголемо место во Бугарија каде што оваа традиција се практикува во својот изворен облик.

Свадбениот обред „Гелина“ трае неколку дена и традиционално се одржува од петок до недела. Во рамките на церемонијата, невестата е свечено подготвена од жените во семејството, а нејзиното лице останува целосно покриено со боја и украси до крајот на свадбата.

И покрај современите влијанија и иселувањето на младите, жителите на Рибново продолжуваат да ја пренесуваат оваа уникатна традиција од генерација на генерација, сметајќи ја за суштински дел од својот идентитет и културно наследство.