Турција испрати медицинска помош за Парагвај за борба против Ковид-19

БУЕНОС АИРЕС (АА) – Турција испрати медицинска помош за јужноамериканската земја Парагвај за поддршка во борбата против епидемијата од новиот вид коронавирус, Ковид-19, пренесува Агенција Анадолија (АА).

Според соопштението на Министерството за надворешни работи на Парагвај, Силвана Абдо, сопругата на претседателот Марио Абдо Бенитез, од Емине Ердоган, сопругата на турскиот претседател Реџеп Таип Ердоган, побарала поддршка за Парагвај во борбата против епидемијата.

Откако Емине Ердоган го прифатилa барањето, како резултат на активностите на министерствата за здравство на двете држави, медицинската помош испратена од Турција пристигна во Бразил.

Се очекува медицинската опрема за неколку дена да стигне во Парагвај. Помошта се состои од 50 илјади заштитни комбинезони, 30 илјади „N95“ маски, 100 илјади хируршки маски, 2 илјади заштитни очила и 50 илјади калоши.