Ekipa
04 Април 2021•Ажурирај: 05 Април 2021
ЊУ ДЕЛХИ (АА) - Индија денес го забележа најголемиот број на заразени со коронавирусот од минатиот септември, со 93.249 нови случаи, соопшти индиското Министерство за здравство, пренесува Агенција Анадолија (АА).
Вкупниот број случаи во земјата достигна скоро 12,5 милиони, а бројот на починати изнесува 164.623, вклучувајќи ги и 513-те смртни случаи во последното деноноќие.
Ова е првпат оваа година бројката на случаи на Ковид-19 да надмине 90.000 бидејќи јануари беше осмиот месец на ниско ниво на дневни случаи. Пред тоа, во многу денови во септември минатата година беа регистрирани над 90.000 нови случаи, меѓу кои и историски највисокиот број од скоро 98.000.
Според Министерството, западната индиска држава Махараштра е најмногу погодена од Ковид-19, со 49.447 случаи во последните 24 часа.
Бидејќи случаите продолжуваат да се зголемуваат во многу делови на земјата, властите воведоа рестриктивни мерки за спречување на ширењето на вирусот, меѓу кои и затворање на образовните установи.
Во петокот, Министерството соопшти дека во градовите од Ниво 2 и Ниво 3 заедно со периурбаните области од неодамна забележан е висок пораст на заразени, нарекувајќи ја ситуацијата загрижувачка.
По САД и Бразил, Индија во моментов е трета земја во светот која е најпогодена од коронавирусот.
Владата досега администрира над 70 милиони дози од вакцината против Ковид-19. Почнувајќи од 1 април, сите лица над 45 години имаат право на вакцинација.
